Ballondaǵy gazdy satý talaptaryn qatańdatý kerek - Álıhan Smaıylov
«Tótenshe jaǵdaılar mınıstrligi jylý berý kezeńinde órttiń aldyn-alý boıynsha múddeli memlekettik organdar men ákimdikterdiń jumysyn naqty úılestirýdi qamtamasyz etýi qajet. Turǵyn úı obektilerinde órt qaýipsizdigin baqylaýdyń tıimdiligin arttyrý jóninde kelisilgen usynystar engizý kerek», - dedi Úkimet basshysy.
Osy oraıda Premer-Mınıstr óńir ákimdikterine jylý berý kezeńinde áleýmettik obektilerdiń jumysyn erekshe baqylaýǵa alýdy tapsyrdy. Qoǵamdyq ǵımarattar men kóp páterli turǵyn úılerdiń ishine ornatylǵan qazandyqtardy syrtqa shyǵarý máselesin jedeldetý qajettigin atap ótti.
«Indýstrııa mınıstrligi Tótenshe jaǵdaılar, Energetıka mınıstrlikterimen, óńir ákimdikterimen birlesip, suıytylǵan gazdy, ásirese ballondardaǵy gazdy satý kezinde talaptardy qatańdatý jóninde sharalar qabyldasyn. Sondaı-aq gaz toltyrý pýnkteriniń ıeleri arasynda ballondardyń sapasyn baqylaý, olardyń qyzmet etý merzimin tekserý qajettigi týraly túsindirý jumystaryn júrgizý qajet. Jalpy, Tótenshe jaǵdaılar mınıstrligi múddeli memlekettik organdarmen jáne óńir ákimdikterimen birlesip, órt qaýipsizdigi boıynsha halyqpen profılaktıkalyq jáne túsindirý jumystaryn kúsheıtsin. Aqparat mınıstrligi bul másele boıynsha járdem kórsetýi kerek», - dedi ol.
Foto: inbusiness.kz