Balqashtyń demalys oryndaryna aparatyn joldar jóndele bastady

QARAǴANDY. QazAqparat - Bıylǵy jazda Qaraǵandy oblysynyń Balqash qalasynda týrısterge jaıly jaǵdaı jasaý úshin joldardyń eń problemalyq ýchaskelerin jóndeý josparlanyp otyr, dep habarlaıdy QazAqparat tilshisi.

Osy jazda Balqashta týrısterdiń jaıly júrip-turýy úshin joldardyń eń problemalyq ýchaskelerin jóndeý josparlanǵan. Shubar-Túbek kentinde, «Baldáýren» profılaktorııasyna kireberiste, Bertis shyǵanaǵyndaǵy demalys aımaqtaryna aparatyn ýchaske jáne Balqashqa kireberistegi kópirde 24 shaqyrym asfalt jańartyldy.

«Bul óte jaqsy, endi mashınamyz tez tozbaıdy. Onyń ústine munda demalys oryndary, týrıster kóp, olar úshin yńǵaısyzdyq bolmaıdy», - deıdi Torańǵalyq aýylynyń turǵyny Dmıtrıı Rýdometov.

Toranǵalyq kentinde uzaq jyldar boıy jol jumystaryn qarjylandyrý jetkilikti bolǵan joq. Bıyl bul máseleni sheshý múmkin bolyp otyr.

«Bizdiń uıym 1998 jyldan beri jumys isteıdi. Negizgi qyzmetimiz - joldardy jóndeý, jergilikti, oblystyq jáne respýblıkalyq mańyzy bar trassalarǵa qyzmet kórsetý. 23 maýsymda Toranǵalyq kentindegi joldardy ortasha jóndeýden ótkizdik. Qazir respýblıkalyq trassadan 7 shaqyrym bolatyn negizgi joldy jóndeý jumystary júrip jatyr. 30 shildede aıaqtaımyz dep josparlap otyrmyz», - dedi merdiger uıymnyń dırektory Marathan Jumalıev.

Aýylǵa kireberisti Abaı ortalyq kóshesi jalǵastyryp jatyr, onda da jańa jabyn úshin negiz daıyndaldy. Jaǵalaý kóshesinde da jaqsy asfalt tóseledi. Kentte barlyǵy 1,3 shaqyrym jol jabyny aýystyrylady.