Balqashta jylý jelilerin qalypqa keltirý boıynsha aýqymdy jumystar bastaldy

BALQASh. QazAqparat – Balqashta jylý jelilerin qaıta qurý bastaldy. Olar 60-jyldardyń basynda paıdalanýǵa berilgen, dep habarlaıdy QazAqparat tilshisi.

Qubyrlardyń tozýyna baılanysty apattar jıi oryn aldy. Ótken jylytý maýsymynda olardyń sany úsh júzge jýyq boldy. Olardyń saldarynan jylý shyǵyny artty. Qala halqynyń tórtten birine jýyǵy jylýdy tolyqqandy almady jáne ystyq sý tapshylyǵyn sezindi.

Bıylǵy jyly jelilerdi qaıta qurýǵa bıýdjettik ótinim qoldaý tapty. Aqsha respýblıkalyq qazynadan bólindi.

Merdiger kompanııa Jeltoqsan kóshesi boıyndaǵy Álimjanov pen Ábýǵalıev arasyndaǵy ýchaskedegi M2 magıstraldyq qubyrynyń bir bóligin aýystyrýǵa

kiristi. Munda qubyrdyń dıametri 630 mıllımetrden 720 mıllımetrge deıin ulǵaıtylmaq.

«Qaıta qurýdy bastaý úshin ýchaske kezdeısoq tańdalǵan joq. Dál osy jerde

kelesi jyly qala jaǵalaýyn abattandyrý boıynsha mańyzdy jobany iske asyrýdy bastaý josparlanýda. Bul joba buryn qala turǵyndaryna tanystyrylǵan

bolatyn jáne qazir ashyq derekkózderde qoljetimdi», –dep habarlady Balqash qalasynyń ákimi Oraz Táýirbekov.