Balqashta joǵalyp ketken 15 jastaǵy qyzdyń denesi tabyldy

<p>Balqashta joǵalǵan qyzdy izdeýge 130-dan astam polıtsııa qyzmetkeri men erikti jumyldyryldy, dep habarlaıdy<strong> </strong><a href="https://kaz.inform.kz/" target="_blank" rel="noopener">Kazinform.<strong> </strong>&nbsp;</a></p>

ІІM baspasóz qyzmetiniń málimetinshe, polıtsııaǵa keshe keshkilik ýaqytta jergilikti turǵynnan 15 jastaǵy qyzynyń joǵalǵany týraly habarlama túsken. Azamat aryzynda kúndizgi saǵat 16:00 shamasynda qyzy bı úıirmesine shyǵyp, odan oralmaǵanyn aıtty.

Іzdeý jumystaryna qalalyq polıtsııa bóliminiń qyzmetkerleri dabyl júıesi boıynsha kóterilip, izdeý jumystary bastaldy. Balanyń bolýy múmkin degen taksı jáne kólik turaqtary tekserilip, qala joldaryndaǵy beınebaqylaý kameralarynyń jazbalaryn zerdeleý, barlyq aýlalarǵa qaraý jumystary júrgizildi.

Іzdeý jumystaryna eriktiler, qala turǵyndary atsalysty. Іzdeý jumystary 11 jeltoqsan kúni tańerteńgilik Balqash kóliniń mańyna alyp keldi. Kól jaǵasynan joǵalǵan qyzdyń kıimderi tabyldy. Osy ýaqyttan bastap kóldiń aýmaǵyn qaraý jumysy júrgizildi. Saǵat 13:36 shamasynda kólden 40-50 metr qashyqtyqta, 2,5-3 metr tereńdikte qyzdyń máıiti tabyldy.

Aldyn ala boljam boıynsha, ol óz-ózine qol jumsaǵan. Qazir oqıǵanyń mán-jaıy anyqtalyp jatyr.