Balqashta jańa demalys oryndary paıda bolady

BALQASh. QazAqparat – Jyl saıyn Balqashqa 80 myńnan astam týrıst keledi. Bıyl onda eki demalys aımaǵyn iske qosý josparlanýda. Qosymsha taǵy jeti jańa týrıstik nysan jabdyqtalýda, dep habarlaıdy QazAqparat tilshisi.

Óńirlik kommýnıkatsııalar qyzmeti alańynda ótken brıfıngide qala ákimi Oraz Táýirbekov Balqashtaǵy týrıstik salanyń damýy týraly aıtyp berdi.

Oraz Táýirbekovtyń aıtýynsha, týrızm salasy - qalanyń áleýmettik-ekonomıkalyq damýynyń mańyzdy salalarynyń biri. Týrısterge demalys aımaqtaryna jaıly jetý úshin «Jumyspen qamtýdyń jol kartasy» aıasynda joldardyń ortasha jóndeýden ótti. Torańǵylyqqa deıingi avtomagıstral, Torańǵylyq jáne Shubartúbek kentteriniń ishinde, Bertis shyǵanaǵynyń mańynda jóndeldi.

Balqash kýrorttyq aımaǵyna Balqash qalasy, Torańǵylyq jáne Shubartúbek kentteri kiredi. Munda demalýǵa arnalǵan 47 oryn bar.

Jerglikti bılik týrızmdi odan ári damytýdy josparlap otyr.