Balqashta zeınetkerlerge arnalǵan belsendi uzaq ómir súrý ortalyǵy ashyldy

BALQASh. KazAqparat – Balqashtaǵy M. Hamzın atyndaǵy Mádenıet saraıynda belsendi uzaq ómir súrý ortalyǵy jumys isteı bastady. Endi aǵa býyn ókilderi bos ýaqytyn qurdastary jáne pikirlesterimen birge qyzyq jáne paıdaly etip ótkize alady, dep habarlaıdy QazAqparat tilshisi.

Balqashta 11 myńǵa jýyq zeınetker turady.

Olar úshin arnaıy ortalyqta merekelerge arnalǵan túrli is-sharalar ótkizilip, baıqaýlar men sport jarystary uıymdastyrylady.

Biraq munyń bári karantın aıaqtalǵannan keıin bolady.

Ázirge ortalyqqa doıby, shahmat oınaýǵa, sondaı-aq sýret salý men oqýǵa qajetti qural-jabdyqtar satyp alyndy.

Olar sondaı-aq qolóner, tigin jáne toqý ónerin damytýdy oılastyrǵan.

«Bizdiń esigimiz qalanyń barlyq nıet bildirgen zeınetkerleri úshin ashyq. Biz ýaqytty qyzyqty ótkizip, túrli is-sharalarǵa belsendi qatysatyn bolamyz. Jobany ardagerler keńesi daıyndady. Bizge qarajat bólindi, armanymyz júzege asty», – deıdi Balqash qalasynyń ardagerler keńesiniń tóraǵasy Taıtóleý Jumanov.