Balqashta turatyn 96 jastaǵy áje Abaı óleńderin jatqa oqıdy
Rahıla Erjanova 1924 jyly Tasaral aýylynda dúnıege kelgen. Aýyl mektebinde jaqsy oqyǵan. Ókinishke oraı, ol tek besinshi synypty bitirip ary qaraı oqı almaǵan. Keıin dumys istep, turmysqa shyǵyp, eki balanyń anasy atandy.
Rahıla áje ómir boıy joldasymen birge Balqash kólinde balyq aýlaýmen aınalysqan. Biraq ol oqýǵa qashan da ýaqyt taýyp, balalarynyń ádebıetke degen súıispenshiligin oıatyp otyrǵan.
«Ol kezde oqı alatyn áıelder az bolatyn. Kelinder úı sharýashylyǵymen aınalysýy kerek edi. Biraq meniń anam oqyǵandy unatatyn jáne únemi kitep oqyp júretinin kóretinmin. Ol ásirese qazaq aqyndarynyń shyǵarmalaryn súıip oqıtyn. Anamnyń bul qasıeti balalaryna da jaqsy áser etti», - deıdi Rahıla Erjanovanyń qyzy Baıan Aıashbekova.
Qazir Rahıla ájeniń 9 nemeresi jáne 16 shóberesi bar, olardyń barlyǵy óleń aıtady. Kórý qabiletiniń nasharlaýyna qaramastan, Rahıla Erjanovanyń oqýǵa degen yqylasy áli de zor.