Balqashta «Saryarqanyń kóshpeli mádenıeti» festıvali ótti

BALQASh. QazAqparat – Balqashta «Saryarqanyń kóshpeli mádenıeti» oblystyq festıvali ótti. Іs-shara alǵash ret uıymdastyrylyp otyr jáne Qaraǵandy oblysynyń barlyq óńirlerin qamtıdy, dep habarlaıdy QazAqparat tilshisi.

Festıval uıymdastyrýshylary – oblystyq bos ýaqyt jáne halyq shyǵarmashylyǵynyń ǵylymı-ádistemelik ortalyǵy jáne mádenıet, muraǵattar jáne qujattama basqarmasy qazaq halqynyń mádenıetin shyǵarmashylyq, mýzyka, qolóner, oıyn jáne sport arqyly kórsetýdi maqsat etedi.

«Sharaǵa oraı M. Hamzın atyndaǵy Balqash mádenıet saraıy ulttyq naqyshta bezendirildi. Kelýshiler nazaryna «Sheberler qalasy» halyq qolónershileriniń ekspozıtsııasy usynyldy. Munda kıiz kilemderdi, tekemetterdi, zergerlik buıymdardy, ulttyq kostıýmderdi jáne t. b. kórýge bolady. Sondaı-aq ulttyq taǵamdar kórmesi ótti. Jergilikti sportshylar qazaq kúresi, asyq atý jáne toǵyzqumalaq ulttyq sport túrlerinen óz sheberlikterin kórsetti», - dep málimdedi Balqash qalasy ákimdiginde.

Qazylar alqasy balqashtyqtardyń shyǵarmashylyq daryndaryn da baǵalady.

«Saıyn dalam – Saryarqa» teatrlandyrylǵan qoıylymyna ánshiler men aıtyskerler qatysty.

Qyrkúıek aıynda «Saryarqanyń kóshpeli mádenıeti» Osakarov, Buqar jyraý, Nura, Abaı aýdandarynda, sondaı-aq Qaraǵandy men Temirtaýda ótedi.

Festıval aıaqtalǵannan keıin úzdik sheberler men oryndaýshylar jeltoqsan aıynda oblys ortalyǵynda ótetin gala-kontsertte óz ónerlerin kórsetedi.