Balqashta oqýshy polıtsııaǵa mektepte terrorıster júrgeni týraly jalǵan habar bergen

ASTANA. QazAqparat - Mektep oqýshysy Balqash polıtsııasyna terrorıster týraly habarlaǵan. Habar jalǵan bolyp shyqty, – dep habarlaıdy Polisia.kz.

– Búgin Balqash qalasynyń polıtsııasyna belgisiz adam habarlasyp, mektepterdiń birinde terrorısterdiń júrgendigi týraly aıtqan. Oqıǵa ornyna polıtsııa organdarynyń jedel-tergeý toby men ózge de jedel qyzmetterdiń ókilderi jetti. Abyroı bolǵanda, aqparat rastalmady, – dedi ІІM ekstremızmge qarsy kúres departamentiniń birinshi basqarma bastyǵy Almas Talqanbaev.

Tártip saqshylary mekteptiń segizinshi synyp oqýshysyn anyqtady. Ol dene shynyqtyrý sabaǵynda óziniń synyptasynyń telefonyn alyp, oıyn retinde polıtsııaǵa terrorıster týraly kórineý jalǵan aqparat bergen. Oqýshy ata-anasymen jáne mektep qyzmetkerlerimen birge polıtsııa bólimine jetkizildi. Kámeletke tolmaǵan balany tárbıeleý mindetterin oryndamaǵany úshin balanyń zańdy ókilderine ákimshilik hattama toltyrylyp, aıyppul salyndy.

Aıta ketý kerek, mundaı shaqyrtýlarǵa barlyq shuǵyl qyzmetterdiń mamandary jumyldyrylady. Memlekettik bıýdjetke úlken shyǵyn keltiriledi.