Balqashta kóshedegi tártipti táýlik boıy baqylaıtyn ortalyq ashyldy

<p>BALQASh. KAZINFORM &ndash; Balqashta kóshedegi tártip muqııat baqylanatyn bolady. Qalada qańtar aıynan bastap 24/7 rejıminde jumys isteıtin Biryńǵaı baılanys ortalyǵy jumys isteı bastady.</p>

ІІM baspasóz qyzmetiniń málimetinshe, onyń basty maqsaty – tártipti qamtamasyz etý, sondaı-aq qala ákimdigine turǵyndardan keletin barlyq habarlamany óńdeý. Bul jańalyq – polıtsııa men ákimdiktiń birlesken jumysy. Baılanys ortalyǵy qalalyq polıtsııa basqarmasynyń ǵımaratyna ornalastyryldy.

Balqashqa jumys sapary kezinde Qaraǵandy oblysynyń ákimi Ermaǵanbet Bólekpaev pen óńirdiń polıtsııa departamenti bastyǵynyń orynbasary Qurmanǵalı Ismaǵulov onyń jumysymen tanysty. Ortalyqqa qalanyń barlyq kamerasy shyǵaryldy, 10 maman jumys isteıdi. Olar ákimdiktiń resmı akkaýnttaryna turǵyndardyń ótinishteri boıynsha táýlik boıy áleýmettik jelilerge monıtorıng júrgizedi.

Bul áleýmettik máseleler jáne TÚKSh máseleleri bolýy múmkin. Mysaly, ruqsat etilmegen qoqys polıgondary, ashyq qudyqtar, qańǵybas ıtter jáne t.b. Sondaı-aq beınebaqylaý kameralarynyń táýlik boıy monıtorıngi júrgizilip jatyr. Naqty ýaqyt rejıminde jol qozǵalysy erejelerin buzý jáne basqa da zańsyz áreketter baqylanady. 

Foto: polisia.kz

«Mysaly, biz ruqsat etilmegen qoqys úıindileri boıynsha 24 ereje buzýshyny anyqtadyq, al túrli quqyq buzýshylyq boıynsha jalpy 5 mln teńgege aıyppul salyndy», – dedi ortalyqtyń jumysyna jaýapty qala ákiminiń keńesshisi Anar Adambekova.

Barlyq habarlama óńdeledi, sodan keıin quzyretti organdar men qyzmetterge jiberiledi. Naqty ýaqyt rejıminde, eger qandaı da bir quqyq buzýshylyq baıqalsa, onda polıtsııanyń kezekshi toby birden shyǵady. Eger kommýnaldyq máseleler týyndasa, ony ákimdik pysyqtaıdy.

Ermaǵanbet Bólekpaev sonymen qatar jaǵalaýdy, Toranǵalyq, Shubar-túbektegi demalys aımaqtaryn, qalaǵa kireberis pen shyǵar joldy beınebaqylaýǵa alýdy usyndy. Týrıstik maýsymda qalada týrıster men qonaqtardyń aǵyny kóbeıgen kezde zańdylyq máseleleri birinshi orynda turýy kerek. Sondaı-aq oblys ákimi demalys aımaqtarynyń ıelerimen máseleni pysyqtaýdy tapsyrdy. Olar da óz kameralaryn biryńǵaı ortalyqqa shyǵara alady.

 

«Jaqsy bastama. Bul tájirıbeni monoqalalarymyzda keńeıtetin bolamyz», – dedi oblys ákimi.