Balqashta qatty jeldiń saldarynan turǵyn úıdiń shatyry ushyp ketti
01:47, 06 Maýsym 2023
BALQASh. QazAqparat – Balqashta qatty jeldiń saldarynan turǵyn úıdiń shatyry ushyp ketti. Tótenshe jaǵdaıdyń saldarynan bir adam zardap shekti, dep habarlaıdy QazAqparat tilshisi.
Tótenshe jaǵdaı keshe saǵat 21.00 shamasynda boldy. Qatty ekpindi jel Karamende bı kóshesindegi bes qabatty úıdiń tóbesin ushyryp áketti. Apat saldarynan qulaǵan shatyrdyń astynda eki kólik qalyp qoıǵan. Zaqymdanǵan avtokóliktiń ishinde bolǵan júrgizýshilerdiń biri aýrýhanaǵa jetkizildi.
«Qaramende bı kóshesindegi 4-shi úıdiń shatyry zaqymdanýynan bir adam zardap shekti. Ol qalanyń ortalyq aýrýhanasyna jetkizildi. Oǵan qajetti medıtsınalyq kómek kórsetilýde. Barlyq qajetti memlekettik organdar men qyzmetter oqıǵa ornynda tıisti jumystar atqarýda», - dedi Balqash qalasy ákiminiń orynbasary Rýslan Syzdyqov.