Balqashta Qasym Amanjolovtyń 110 jyldyǵyna oraı ádebı aıaldama ornatyldy

BALQASh. QazAqparat – Balqashta jańadan jasalǵan erekshe aıaldamada avtobýs kútip turyp, bıyl 110 jyldyq mereıtoıy atap ótilip jatqan kórnekti aqyn Qasym Amanjolov týraly maǵlumat alýǵa bolady, dep habarlaıdy QazAqparat tilshisi.

Qazaqstan Respýblıkasy Táýelsizdiginiń 30 jyldyǵyna arnalǵan «Otyz jyldyqqa – otyz aıaldama» aktsııasyn «Sary Qazyna» JShS «Qońyrat» korporatıvtik qory qoldady. Ideıa osy qordyń qarajaty esebinen iske asyryldy.

Aıaldama pavılonynyń qabyrǵalaryna Qasym Amanjolovtyń ómirbaıany men óleńderi jazylǵan bannerler ornalastyryldy.

Qasym Amanjolov (1911–1955) Qaraǵandy oblysy Qarqaraly aýdanynda dúnıege kelgen. Erte jasynda ata-anasynan aıyrylyp, ınternatta tárbıelengen, onda bastaýysh bilim aldy. Semeı pedagogıkalyq tehnıkýmynda, keıin Oraldaǵy pedagogıkalyq ınstıtýtta oqydy. 1930 jyldary respýblıkalyq «Lenınshil jas» komsomol gazetiniń redaktsııasynda jumys istedi.

Ekinshi dúnıejúzilik soǵysqa qatysqan.

Qasym Amanjolov stýdent kezinde poezııamen áýestengen. 1938 jyly onyń alǵashqy óleńder jınaǵy – «Ómir syry» jaryq kórdi. Maıdanger aqynnyń shyǵarmalary halyq arasynda óte tanymal jáne qazaqstandyqtardyń birneshe urpaǵynyń súıispenshiligine bólendi.