Qarjy jymqyrǵan — «Balqash jylý» dırektorynyń orynbasary men bas býhgalteri sottaldy

<p>ASTANA. KAZINFORM - &laquo;Balqash Jylý&raquo; JShS dırektorynyń burynǵy orynbasary jáne kásiporynnyń bas býhgalteri bıýdjet qarajatyn urlaǵany úshin sottaldy, dep habarlaıdy QMA baspasóz qyzmeti.&nbsp;</p>

Atalǵan azamattarǵa qatysty qylmystyq isti QR Qarjylyq monıtorıngi agenttigi tergep-tekserdi. 

Sottalǵan azamattar 2020 jylǵy maýsym men 2023 jylǵy qańtar aralyǵynda Balqash JEO men Balqash qalasyn jylýmen jabdyqtaý jelilerin jóndeýge jáne jumysyn úzdiksiz qamtamasyz etýge arnalǵan bıýdjet qarajatyn is júzinde qandaı da bir azamattyq-quqyqtyq mámileler jasalmaǵan jalǵan kásiporyndardyń shottaryna negizsiz aýdarý jolymen urlaǵan.

Jalpy somasy 708 mln teńge bolatyn urlanǵan qarajat ony paıdalanýdan kiris alý úshin jyljymaıtyn múlikpen mámileler jasaý arqyly zańdastyryldy.

Tergeý barysynda kúdiktiler 144 mln teńgeni aqshalaı qaıtardy.

Kináli adamdardy sot 5,5 jyl jáne 5 jyl bas bostandyǵynan aıyrdy. Sot úkimi zańdy kúshine engen joq.

Memleket kirisine 3 bólmeli páter men Lexus avtokóligi tárkilendi.