Balqash JEO-syndaǵy apat saldarynan 3 qazandyq pen 3 týrbına sóndirildi

ASTANA. QazAqparat - 2023 jylǵy 15 maýsymda saǵat 16.22-de «Qazaqmys Enerdjı» JShS-nyń Balqash JEO-synda sektsııalyq ajyratqysh zaqymdanyp, saldarynan menshikti elektr qajettilikterin joǵaltý arqyly 10 kV taratý qurylǵysy toktan ajyratyldy.

3 qazandyq pen 3 týrbına sóndirildi. JEO generatsııasy 110-nan 0 MVt-qa deıin tómendedi, dep habarlaıdy QazAqparat QR Energetıka mınıstrliginiń baspasóz qyzmetine silteme jasap.

Saǵat 17.10-da elektr stantsııasyn burý boıynsha operatsııalar bastaldy. Qazirgi ýaqytta 1 qazandyq pen 1 týrbına jumys istep tur.

Tehnologııalyq buzýshylyqty tekserý Atomdyq jáne energetıkalyq qadaǵalaý men baqylaý komıtetiniń Qaraǵandy oblysy boıynsha aýmaqtyq departamentiniń qatysýymen júrgiziledi.