Balqash turǵyndary eki kún boıy sýsyz otyrdy

BALQASh. QazAqparat – Balqash qalasynda 80 myńǵa jýyq turǵyn eki táýlikke jýyq aýyz sýsyz otyrdy. Oǵan magıstraldy qubyrdaǵy apat sebep boldy. Jóndeý jumystary aıaqtaldy, búgin qalaǵa sý kezeń-kezeńimen berile bastaıdy, dep habarlaıdy QazAqparat tilshisi.

Balqash qalasynyń sorǵy stantsııasy aýdanyndaǵy magıstraldy sý qubyrynda 4 sáýirde iri apat bolǵan.

Aldymen mamandar dıametri 800 mm qubyrdyń qaqpa klapanynyń kamerasynan sýdy soryp alýǵa kúsh saldy.

Nátıjesinde apatqa dıametri 300 mm irgeles qubyrdyń jarylǵan klapany sebep bolǵany anyqtaldy.

«Sýdy aıdaý ysyrmaǵa qol jetkizýdi qamtamasyz etýge múmkindik berdi, qońyraý (ysyrma qaqpaǵy) alynyp tastaldy, osylaısha dıametri 800 mm negizgi qubyrdan sýdy tolyq aǵyzý úshin ótkizý qabiletin arttyrdyq. Sýdy aıdaý jalǵasyp jatyr, óıtkeni sý qubyrdan áli de kelip jatyr, sonymen qatar apattyq-qalpyna keltirý jumystary júrgizilýde», - dedi Balqash qalasynyń basshysy Qaırat Qamzın keshe keshke.

Búgin ákimdikte jóndeý brıgadalary dıametri 400 mm bolatyn aǵyzý qubyrynda klapandy bólshektegenin habarlady.

Dıametri 800 mm negizgi qubyrdaǵy jóndeý jumystary aıaqtaldy. Shahar bıligi búgin búkil qala boıynsha sý kezeń-kezeńimen beriletinine ýáde etti.

«Aqaýdy jóndeý jumystary aıaqtaldy. 6 sáýir saǵat 13:20-da sýmen jabdyqtaý júıesi iske qosyldy. Qalanyń sý qubyr júıesinde sýmen gıdravlıkalyq soqqy bolmas úshin magıstraldy jáne oramishilik jelilerge sý kezeń-kezeńimen tómen qysymmen jiberiledi. Qalanyń júıesi búgin táýlik ishinde sýmen jabdyqtalady», - dep habarlady qala ákimdigi.