Balqash mańyna AES salynsa, kól sýynyń 3 paıyzy ǵana býlanady – Qumar Áýsenov

ASTANA. QazAqparat – Balqash mańyny AES salynǵanda kól sýynyń 3 paıyzy ǵana býlanady. Mundaı pikirdi «Qazaqstan atom elektr stansasy» JShS atom energetıkasy bóliminiń jetekshi ınjeneri Qumar Áýsenov bildirdi, dep habarlaıdy QazAqparat tilshisi.

«Prezıdent 2060 jylǵa qaraı kómirteksiz energetıkaǵa, ıaǵnı atom elektr stansasy men jańartylatyn energııa kózderine kóshýge tapsyrma berdi. Jańaratyn energııa kózderi óte jaqsy. Biraq, olarǵa barlyq ýaqytta jaǵdaı bola bermeıdi. Qazaqstanda biz oılaǵandaı jel jıi soqpaıdy eken. Al túnde kún sáýlesi bolmaıdy. Sondyqtan halyqqa jáne zaýyttarǵa energııa berý úshin bizge AES qajet», - dedi Qumar Áýsenov Eýrazııa ulttyq ýnıversıtetinde AES-tiń ekologııaǵa áserin talqylaýǵa arnalǵan dóńgelek ústel otyrysynda.

Onyń atap ótýinshe, AES taza elektr energııasyn óndiredi.

«Onyń shyǵaryndylary óte tómen. Biz qaýipti shyǵaryndylarǵa qatysty máseleni pysyqtap jatyrmyz. Mamandar, ıAdrolyq tehnologııa qaýipsizdigi ǵylymı-tehnıkalyq ortalyǵy bar. Olar baıaǵydan beri shyǵaryndylar máselesimen aınalysyp keledi. Ony sheshýge bolady. Keıbir adamdardy sý máselesi tolǵandyrady. Eger stansa salar bolsaq, onda Balqashtyń búkil sýynyń tek 3 paıyzy ǵana býlanady. ıAǵnı, kóldiń mol kólemimen salystyrǵanda sý óte az ketedi. Jáne de biz bul sýdy týrbına kondensatorlaryn salqyndatý úshin ǵana alamyz. Máselen, 200 tekshe metr sý alsaq, ol únemi júıede bolady. Al qalǵan sý energetıkalyq jabdyqtardy salqyndatý úshin qajet», - dedi ınjener.