Balqash kólinen 650 kg balyq aýlaǵan brakoner ustaldy

TALDYQORǴAN. QazAqparat- Almaty oblysynda Balqash kólinen 650 kg balyq aýlaǵan brakoner ustaldy, - dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, jalpy bir apta ishinde tártip saqshylary brakonerlerden 800 keliden astam zańsyz aýlanǵan balyqty tárkiledi.

QR QK 335-babynyń 3-bóligi 5-tarmaǵy boıynsha sotqa deıingi tegeýdiń biryńǵaı tiziliminde tirkelgen balyqty zańsyz aýlaý deregi boıynsha Jambyl aýdany Úlken kentiniń 36 jastaǵy turǵynynan quqyq qorǵaý organdary motory bar plastık qaıyqty, 1000 metr mononıtti Qytaı jelilerin, 79 kg balyq tárkiledi. Atalǵan qylmystyq is sotqa joldandy.

Sondaı-aq, Balqash aýdanynyń Qaroı aýylynda 52 jastaǵy jergilikti turǵynnan 650 kg balyq tárkilendi. Atalǵan derek QR QK 335-baby 1-bóligi boıynsha tirkelip, sotqa deıingi tergeý amaldary júrgizilýde.