Balqash qalasynda tótenshe jaǵdaı jarııalanbaq
«Qaraǵandy oblysy Balqash qalasy aýmaǵynda jergilikti aýqymda tabıǵı sıpattaǵy tótenshe jaǵdaı jarııalansyn. Tótenshe jaǵdaıdy joıý basshysy bolyp Balqash qalasy ákiminiń orynbasary Temirhan Aıdarhanuly Aıdarhanov taǵaıyndalsyn», - delingen Ashyq NQA portalynda jarııalanǵan Balqash qalasynyń ákimi Sapar Sataevtyń sheshim-jobasynda.
Toqtala keteıik, 6 maýsymda Balqashta qatty jel turyp, Qaramende bı kóshesindegi bes qabatty úıdiń shatyry kókke ushqan bolatyn. Apat saldarynan qulaǵan shatyrdyń astynda eki kólik qalyp qoıdy. Zaqym kelgen avtokóliktiń ishinde bolǵan júrgizýshilerdiń biri aýrýhanaǵa jetkizildi.
Sondyqtan atalǵan apattyń saldaryn joıý úshin shahar aýmaǵynda tótenshe jaǵdaı jarııalaý usynylyp otyr.
Sheshim-jobasyn ashyq talqylaý 22 maýsymǵa deıin jalǵasady.