Balqash qalasynda kásipker kópbalaly jesir áıelge páter syılady

BALQASh. QazAqparat – Balqash qalasynyń ákimi Oraz Táýirbekovtyń ótinishi boıynsha jergiliti kásipker «Qońyrat» yqsham aýdanynan jesir áıel, Darına Qaǵadeevaǵa eki bólmeli páterge alyp berdi. Bıznesmen sol shaǵyn aýdanda jylý magıstraliniń qurylysyn júrgizýde, dep habarlaıdy QazAqparat tilshisi.

Darına Qaǵadeeva ákimmen tikeleı efır kezinde óziniń aýyr jaǵdaıy týraly aıtyp berdi. Oraz Táýirbekov jesirge kómektesýge daıyn demeýshi tapqan.

Kiltti tabystaý rásimi kóp balaly ana oblystyq perzenthanadan shyqqan bette uıymdastyryldy. Áıeldiń bosanýy qıyn ótti.

Darınanyń qyzy bir apta boıy ómir úshin kúresip, jansaqtaý bóliminde jatty. Otbasynda jarqyn kúnder bastalǵanynyń belgisi retinde nárestege Elına («jarqyn») degen at qoıyldy.

Jańa qonys toıymen otbasyn Balqash qalasynyń ákimi Oraz Táýirbekov quttyqtady:

«Sizdiń úıińizde molshylyq, jaılylyq, árdaıym jylylyq, jaryq bolsyn dep tileımin», - dedi shahar basshysy.

Balqash turǵyny Darına Qaǵadeeva júktiliginiń besinshi aıynda kúıeýi qaıtys bolǵan. Úsh uldyń anasy qoldaýsyz qalyp, jaldap turǵan úıiniń aqysyn tóleı almaǵan. Tórt aı boıy áıelge eriktiler kómektesken.

Olar birden qarajat jınaý aktsııasyn jarııalaǵan bolatyn. Ókinishke oraı, jınalǵan soma turǵyn úı satyp alýǵa jetpedi. Kópbalaly otbasy jergilikti bıznesmenniń arqasynda baspanaly boldy. Qajetti jıhaz jáne turmystyq tehnıka janashyr balqashtyqtardyń kúshimen jınalǵan qajatqa alyndy. Jınalǵan aqshanyń bir bóligi jas ananyń nesıesin jabýǵa jumsaldy.

«Vanna, kir jýǵysh mashına, pesh, páterdegi barlyq nárse - júregi keń, janashyr jandardyń kómeginiń arqasy. Ár turǵyn óz úlesin qosty. Balaǵa arnalǵan tósek te - qalalyqtardyń syıy. Munda otbasy jaqsy jáne jaıly ómir súredi dep úmittenemiz», - deıdi erikti Anar Adambekova.