Balqash avtobýstarynda ONAY jolaqy tóleý júıesi iske qosylady

BALQASh. QazAqparat – Balqash qalasynda qoǵamdyq kólikterde ONAY! elektrondy júıesi iske qosylady. Joba osy jyldyń úshinshi toqsanynda jumys isteı bastaıdy dep josparlanǵan, dep habarlaıdy QazAqparat.

Balqashta ONAY! jol aqysyn tóleýdiń elektrondyq júıesin engizý týraly kelisimshart ornatyldy.

Yntymaqtastyq týraly memorandýmdy Almaty qalasynyń ákimdigi men kólik holdıngi jasasty.

«ONAY! júıesiniń engizilýimen qalanyń kólik ınfraqurylymynda oń ózgeris boldy. Birinshiden, júıe naqty jolaýshylar aǵynyn kórsetedi. Osyǵan súıene otyryp marshrýt jelisin ońtaılandyrýǵa, avtobýstardyń durys júrý kestesin qurýǵa bolady. Sonymen qatar, jolaýshylar mobıldi qosymsha arqyly kólik qozǵalysyn baqylaı alady», – dep atap ótti Balqash ákimi Qaırat Qamzın.

Onyń aıtýynsha, elektrondy júıeni jyl sońyna deıin iske qosý josparlanyp otyr.