Balqash áýejaıy memlekettik menshikke berildi

BALQASh. QazAqparat – Balqash áýe aılaǵy jergilikti ákimdiktiń kommýnaldyq menshigine qabyldandy. Jańa menshik ıesine berý syıǵa tartý sharty boıynsha júzege asyryldy, dep habarlaıdy QazAqparat tilshisi.

Berilgen nysandardyń qatarynda aerovokzal ǵımaraty, rýldeý joly jáne perron bar. Tolyq jańartýdan keıin áýejaı úlken ushaqtardy qabyldaı alady.

«Qazaqmys» korporatsııasy saraptama qorytyndysy bar jobalyq-smetalyq qujattamany usyndy. Joba áýejaı ǵımaratyna, perron men rýldeý jolyna, sondaı-aq arnaıy kólik qyzmeti úshin úı-jaı qurylysyna qatysty.

Qajetti soma anyqtaldy. 2022 jyly respýblıkalyq bıýdjetten qarajat bólinedi dep josparlanýda. Ótinimdi rásimdeý osy jyly bastalady.

Tolyq qaıta iske qosylǵannan keıin Balqashqa 1-shi jáne 2-shi klastaǵy (Boeing, Airbus jáne basqalary) úlken ushaqtar kele alady. Áýe kemeleri reısterdi jyl boıy jáne táýliktiń kez kelgen ýaqytynda oryndaı alady.

Jóndeý kezinde áýejaı shtattyq rejımde jumys isteıtin bolady.