Balqan olımpıadasynda qazaqstandyq oqýshylar 6 medal jeńip aldy
Oqý-aǵartý mınıstrliginiń málimetinshe, zııatkerlik saıystar 28 maýsym-3 shilde aralyǵynda Bosnııa jáne Gertsegovına astanasy Saraevo qalasynda oflaın formatta ótti. Bıyl olımpıadaǵa álemniń 19 elinen 81 bala qatysty. Olardyń qatarynda Albanııa, Bosnııa jáne Gertsegovına, Bolgarııa, Kıpr, Makedonııa, Gretsııa, Moldova Respýblıkasy, Chernogorııa Respýblıkasy, Rýmynııa, Serbııa jáne t.b. bar.
«Qazaqstan geografııalyq jaǵynan Ońtústik-Shyǵys Eýropada ornalaspaǵandyqtan, olımpıadaǵa jyl saıyn qonaq el retinde qatysady. Osy jyly ulttyq qurama qataryna Nur-Sultan, Almaty, Atyraý jáne Taraz qalalarynan 6 oqýshy kirdi. Olardyń árqaısysy jarysta medal jeńip aldy jáne biz muny maqtan tutamyz. Jalpy komandalyq esepte Qazaqstan 5-oryndy ıelendi. Elimizde Balalar jyly aıasynda daryndy oqýshylar men olımpıadashylarǵa belsendi qoldaý kórsetilip jatqanyn da atap ótý kerek. Budan bylaı granttar men stıpendııalar tek JOO-dan ǵana emes, memleketten de beriledi. Ol úshin oqýshylar Matematıkadan halyqaralyq olımpıada (IMO) sııaqty jarystarǵa qatysyp, jeńiske jetýi kerek», - dedi «Daryn» respýblıkalyq ǵylymı-praktıkalyq ortalyǵy dırektorynyń mindetin atqarýshy Nurlan Jumageldi.
Aıta keteıik, byltyr qazaqstandyq oqýshylar 2 altyn, 1 kúmis, 2 qola medal jeńip alǵan.
Foto: gov.kz