Balyq sharýashylyǵy komıtetiniń tóraǵasyna qatysty tergeý aıaqtaldy
10:26, 17 Mamyr 2024
<p>ASTANA. KAZINFORM – Sybaılas jemqorlyqqa qarsy qyzmet QR AShM Balyq sharýashylyǵy komıtetiniń tóraǵasy men Komıtettiń balyq resýrstaryn qorǵaý jáne balyq aýlaýdy retteý basqarmasynyń basshysyna qatysty 2021 jyldan bastap 2024 jylǵy aqpanǵa deıingi kezeńde jalpy qamqorlyǵy úshin shaǵyn jáne orta bıznes ókilderinen júıeli negizde para aldy degen kúdik boıynsha tergeýdi aıaqtady. Bul týraly Agenttiginiń baspasóz qyzmeti málim etti. </p>
«Tergeý soty kúdiktige qatysty «elektrondy bilezikti» qoldana otyryp, «úıqamaq» túrindegi bultartpaý sharasyn sanktsııalady. Qylmystyq is máni boıynsha qaraý úshin Astana qalasynyń qylmystyq ister jónindegi aýdanaralyq sotyna joldandy», — delingen habarlamada.
Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.