Balyq sharýashylyǵy komıtetiniń tóraǵasy ustaldy – Antıkor

<p>ASTANA. KAZINFORM &ndash; Aýyl sharýashylyǵy mınıstrligi Balyq sharýashylyǵy komıtetiniń tóraǵasy jemqorlyq jasaý kúdigine ilikti. Bul týraly Sybaılas jemqorlyqqa qarsy is-qımyl agenttigi tóraǵasynyń kómekshisi, resmı ókil Danııar Bıgaıdarov málim etti.&nbsp;</p>

«Agenttik sybaılas jemqorlyqty, onyń ishinde joǵary laýazymdy tulǵalar arasynda anyqtaý jáne jolyn kesý boıynsha jumysty jalǵastyrýda. Osylaısha, agenttik Aýyl sharýashylyǵy mınıstrligi Balyq sharýashylyǵy komıtetiniń tóraǵasy jáne basqa tulǵalarǵa qatysty sotqa deıingi tergeý júrgizýde. Olar 2021-2024 jyldar aralyǵynda shaǵyn jáne orta bıznes ókilderinen júıeli negizde para aldy degen kúdikke ilindi», - dedi Danııar Bıgaıdarov agenttikte ótken baspasóz máslıhatynda.

Foto: Kazinform

Resmı ókildiń málimdeýinshe, tergeý soty kúdiktige qatysty elektrondyq bilezikti paıdalana otyryp, úı qamaǵyna alý túrindegi bultartpaý sharasyna sanktsııa berdi.

«Kúdikti kinásin tolyq moıyndady, qazir basqa tulǵalardyń iske qatysynyń bar-joǵy tekserilýde. Tergeý jalǵasýda», - dedi ol.