Balyq ósirýshilerge sý tutyný shyǵyndary úshin sýbsıdııa tólenýi múmkin

<p>ASTANA. KAZINFORM &ndash; Májiliste balyq sharýashylyǵyn damytýǵa arnalǵan zań jobasyn tanystyrǵan Aýyl sharýashylyǵy mınıstriniń orynbasary Amanǵalı Berdalın salany yntalandyrýdyń memlekettik sharalaryn atady.</p>

«Sonymen qatar, memlekettik qoldaýdyń qosymsha sharalary engizilýde. Bul – sýbsıdııalaý, jeńildetilgen kredıt berý jáne ǵylymı súıemeldeý. Balyq ósirý úshin sý berý jónindegi qyzmetterdiń qunyn sýbsıdııalaýdyń jańa túri kózdeledi. Sýbsıdııalaý agroónerkásiptik keshendi sýbsıdııalaýdyń memlekettik aqparattyq júıesi arqyly júrgiziletin bolady. Memlekettik qoldaý sharalary tıimdi bolý úshin bıznes sýbektileriniń qarsy mindettemelerin engizý josparlanyp otyr», - dedi ol.

Sondaı-aq, ol sý aıdyndaryn balyq ósirýshilerge berýdiń jańa tártibi qalaı iske asatynyn da túsindirdi.

«Zań jobasynda sý aıdyndaryn konkýrstyq negizde jáne konkýrs rásimderin ótkizbeı berý tártibi kózdelgen. Sý aıdyndaryn aýktsıondyq saýda-sattyq tásilimen elektrondyq portal arqyly konkýrstyq negizde júrgizý usynylady. Bul rette, tor qorshamada balyq ósirý sharýashylyqtaryn qurý jónindegi ınvestıtsııalyq jobalar úshin, eger ınvestıtsııa somasy keminde 150 myń AEK bolsa, halyqaralyq jáne respýblıkalyq mańyzy bar sý aıdyndaryn konkýrs ótkizbeı berý usynylady. Búginde bul soma shamamen 550 mln teńgeni bolady. Investorlar úshin negizgi sharttar — bıznes-jospardyń bolýy jáne qarjynyń bolýyn rastaý, al mindettemeler - óndiristik qýattardy salý, ósirý kólemin ulǵaıtý», - dedi Amanǵalı Berdalın.