Balı aralynda apatqa ushyraǵan qazaqstandyq sportshyny emdetýge týystary qarajat izdestirýde

ASTANA. QazAqparat - Taý shańǵysy boıynsha 32 jastaǵy qazaqstandyq sport sheberi Rýslan Isaev ındonezııalyq Balı aralynda demalyp jatqan kezinde jol apatyna ushyrady, dep habarlaıdy KTK telearnasy.

Ol baık minip kele jatyp, mototsıklmen soqtyǵysyp qalǵan.

Rýslandy emhanaǵa jergilikti turǵyn jetkizgen. Oqıǵadan keıin ol birneshe kún esiz jatqan. Dárigerler sportshynyń mıy shaıqalyp, bet súıekteriniń synǵanyn anyqtaǵanymen, ota jasaýǵa asyqpady, sebebi, bul aýrýhananyń qazaqstandyqtyń saqtandyrý kompanııasymen kelisimi joq edi. Rýslannyń dostary ony basqa emhanaǵa aýystyrtyp, 9 myń dollar kóleminde qarajat tólep, ota jasatty. Dárigerlerdiń aıtýynsha, jansaqtaý bóliminde jatqan qazaqstandyq sportshynyń jaǵdaıy qazir aýyr, esi kiresili-shyǵasyly. Týǵan-týystary ony emdetýge qarajat izdestirýde.

Bul oqıǵany elimizdiń QR Syrtqy ister mınıstrligi jiti baqylaýyna alyp otyr.