Baldyrǵandardyń qııalyna qanat bitirgen ekskýrsııa

<p>ASTANA. KAZINFORM &ndash; Balalardyń kishkentaıynan kórip, kóńiline túıip ósken rýhanı muralary olardyń dúnıetanymyn keńeıtip, bolashaq ómirine azyq bolary anyq. Halyqaralyq balalar quqyn qorǵaý kúnine oraı QR Prezıdentiniń Іs basqarmasy men oǵan qarasty uıym jumyskerleriniń balalary Prezıdenttik ortalyq mýzeıine arnaıy ekskýrsııa jasady.&nbsp;</p>

Mýzeı qyzmetkerleri kishkentaı qonaqtardy qarsy alyp, birneshe topqa bólip, qyzyqty jádigerlermen tanystyrdy.

Halqymyzdyń erlikke toly tarıhy, tulǵalarymyzdyń talaıly taǵdyry, elimizdiń ásem tabıǵaty, jan-janýarlar álemi týraly kórneki derekter búldirshinderge erekshe qyzyq bolǵany olardyń bal-bul bolǵan júzderinen kórinip turdy.

– Bizdiń mýzeıge oqýshylar jıi keledi. Olar úshin mektep partasynda tarıh páninen alǵan bilimderin murajaıdaǵy kózben kórip, qolmen ustaýǵa bolatyn muraǵat jádigerleri arqyly bekite túsý óte mańyzdy, - deıdi mýzeı qyzmetkeri Nesipbaı Asqar.

Foto: QR Prezıdentiniń Іs basqarmasy

Ekskýrsııa aıasynda baldyrǵandar Aqsý qalasyndaǵy Balalar óner mektebi oqýshylarynyń «Ózgerister tolqyny» atty kórmesin tamashalady. Astana qalasy balalar kórkemsýret mektebi ıÝNESKO klýbymen birlesip ótkizgen kórmege balǵyn qylqalam sheberleriniń 40-tan astam jumysy qoıyldy. 

Bul týyndylarda jasóspirim sýretshiler qorshaǵan álemge degen kózqarasyn, týǵan ólkeniń tarıhy men salt-dástúrine degen súıispenshiligin kórsetýge tyrysqan.

QR PІB Prezıdenttik ortalyǵynyń kollektsııasyndaǵy eksponattar qoıylǵan «Janýarlar álemi» atty taqyryptyq kórme balalar ǵana emes, eresekterdiń de nazaryn kóńilinen shyqqany baıqaldy.

Olar qorshaǵan orta, jan-janýarlar álemi týraly mańyzdy maǵlumattarmen sýsyndady.