Balasyn túnde oıyn-saýyq oryndaryna jibergen 78 myń ata-ana jaýapqa tartyldy – QR ІІM
Bul týraly BAQ ókilderiniń qatysýymen ótken brıfıngide QR ІІM Ákimshilik polıtsııa komıteti tóraǵasynyń mindetin atqarýshy Qaısar Sultanbaev aıtty, dep habarlaıdy QazAqparat tilshisi.
«Bıyl kámeletke tolmaǵandardyń túngi ýaqytta oıyn-saýyq oryndarynda nemese zańdy ókilderiniń erip júrýinsiz turǵyn úıden tys jerde bolǵany úshin 78 myńnan astam ata-ana ákimshilik jaýapqa tartyldy. Jasóspirimderdiń túngi ýaqytta oıyn-saýyq oryndarynda bolýyna jol bergeni úshin 1 600 kásipker ákimshilik jazaǵa tartyldy», - dedi Qaısar Sultanbaev.
Brıfıng barysynda ol bıyl balalarǵa qatysty jasalatyn jynystyq qol suǵýshylyq qylmystary 22,7%-ǵa azaıǵanyn atap ótti. Qaısar Sultanbaevtyń sózinshe, karantındik shekteýlerdi alyp tastaý - bul baǵyttaǵy zańǵa qaıshy áreketter sanynyń tómendeýine sep bolǵan.