Balasyn Reseıde turatyn anasyna jibermeı qoıǵan: Astana soty úkim shyǵardy

ASTANA. QazAqparat – Astana qalalyq kámeletke tolmaǵandardyń isteri jónindegi mamandandyrylǵan aýdanaralyq sotynda ajyrasqan otbasynyń azamattyq talap-aryzy qaraldy, dep habarlaıdy QazAqparat tilshisi.

Sottan málimdegendeı, áıeli men kúıeýi 2020 jyly ajyrasqan. Alaıda, bul ýaqytqa deıin nekede týǵan balanyń qaıda turatyny týraly másele sheshilmegen. Al búldirshin Reseı Federatsııasynyń azamaty sanalady jáne sol elde anasymen birge turyp kelgen.

«Reseı Federatsııasynyń azamaty bolyp tabylatyn kámeletke tolmaǵan bala demalysta anasynyń kelisimimen Qazaqstanǵa ákesine kelgen. Biraq bala anasyna qaıtyp oralmaǵan. Sot ákesiniń balany Qazaqstan aýmaǵynda zańsyz ustaǵanyn anyqtady», - delingen sottyń resmı saıtynda jarııalanǵan habarlamada.

Belgili bolǵandaı, bul isti qaraý kezinde sot 1980 jyly 25 qazanda qabyldanǵan Halyqaralyq deńgeıde bala urlaýdyń azamattyq-quqyqtyq aspektileri týraly konventsııany basshylyqqa aldy. Qazaqstan bul konfentsııaǵa 2012 jyly qosylǵan.

Oǵan saı, jaýapker azamat balany anasyna qaıtarýǵa mindetteldi. Sot úkimi zańdy kúshine endi.