Balasyn óltirip, kómip tastaǵan aqtóbelik sotta sońǵy sózin aıtty
Aqtóbe oblystyq qylmystyq ister jónindegi mamandandyrylǵan aýdanaralyq sotynda Artýr Ahýnov sońǵy sózin aıtty. Ol ózin kináli dep sanamaıdy. Tipti, balalardy jaqsy kórgenin alǵa tartyp, kózine jas aldy.
Meniń ómirimde úsh bala paıda bolǵanda óte qýanyshty boldym. Ár adam balasy úshin qoldan kelgenin jasaıdy dep oılaımyn. Men de dál solaı jasadym. Biraq, otbasyndaǵy ómirimiz jaqsy bolmady. Sebebi, áıelim eskirtki paıdalana bastady. Ol birneshe ret eskirtkiden bas tartatynyn aıtty. Biraq, ony únemi esi kiresili-shyǵasyly kúıinde taptym. Sóıtip balalar nazardan tys qaldy. Men unatyp, jaqsy kórgen adam óte qatty ózgerdi. Sońynda onyń ózine jáne balalarǵa degen beıqamdyǵy meniń tózimimdi taýysty. «Eger eskirtkige aqsha bermeseń, balalardy kóre almaısyń» dep qoqanloqqy da jasady. Balalardy alyp, kúıeýine ketetinin aıtty. Bizdiń aramyzdaǵy qatynas – azamattyq neke boldy. Ol kezde zańdy nekede turǵan kúıeýimen ajyraspaǵan edi. Al men kúni boıy jumys istep, otbasyma barynsha qamqor boldym. Ekeýmiz eki jaqqan ketken soń ıÝlııa ata-ana quqyǵynan aıyryldy. Maǵan ınspektor habarlasyp, balalardy «Úmit» sábıler úıine berip jatqanyn aıtty. Keıin «Úmit» sábıler úıinen habarlasyp, balalar taǵdyryna alańdasam kezdesýge kelýimdi surady. Bardym, áleýmettik pedagogpen áńgimelestim. Ol maǵan «Balalar kerek pe?» dep surady. Men «ıá» dep jaýap berdim. Asyrap alýǵa, sonyń ishinde DNQ synamasyna qajetti qujattyń tizimin qolyma ustatty. Qajetti qujattardy jınaýǵa bir jyl ýaqyt ketti. Osy ýaqyt aralyǵynda men balalarǵa baryp, únemi azyq-túlik pen oıynshyq, qajettilikterin aparyp turdym. Olardy qýanttym, jalǵyz qaldyrmadym. Resmı ákesi dep tanyǵan soń balalardy alyp kettim
, - dedi sońǵy sózinde sottalýshy.
Ol az ýaqyt anasymen birge turǵan. Balalary tóbelesken soń anasymen sózge kelip, páter jaldaıdy.
Páterde jazataıym oqıǵa bolyp, Danıl kóz jumdy. Bul týraly men sot otyrysynda aıttym. Sol kúngi oqıǵa áli kúnge deıin kóz aldymda. Men jyndanyp ketemin be dep te oıladym. Balamnan aıyrylǵandaǵy jan kúızelisi áli de bar, sengim kelmeıdi. Bálkim sondyqtan da shyǵar, men polıtsııaǵa habarlasyp, joǵalyp ketkeni týraly habarladym. Ómirdiń máni ketti. Tergeý bastaldy. Ol kezde óreskel zańbuzýshylyq jiberildi. Sot-medıtsınalyq saraptama durys jasalmady. Polıgrafııalyq saraptamamen de kelispeımin. Psıhologııalyq saraptama qorytyndysy da tergeýge qolaıly shyǵaryldy. Aldady, maǵan jáne anama moraldyq turǵyda qysym kórsetti. Anamnyń vıdeosyn kórsetip, «óziń moıyndamasań, anańdy otyrǵyzamyz» dep aıtty. Sóıtip meni májbúrledi. Buǵan deıin zańsyzdyqtardy aıtyp, prokýratýraǵa aryz jazdym. Biraq eshteńe bolmady. Sot, osy zańsyzdyqtarǵa nazar aýdarýyńyzdy suraımyn. Balam Danıldyń ólimine kináli dep tanymaýyńyzdy suraımyn. Men bar balamdy jaqsy kóremin. Maǵan múmkindik berip, jaǵdaıdy ózgertýge bolady dep oılaımyn. Eki balam bar. Anam ınsýlt alǵan. Bar ómirimdi anama, balalarǵa arnaǵym keledi. Meniń sózimdi estısiz dep oılaımyn
, - dedi Artýr Ahýnov.
Eske salsaq, byltyr 4 jasar Danıl Ahýnovtyń jolǵalyp ketkeni týraly polıtsııaǵa habar túsip, izdeý jumystaryna eriktiler de aralasty. Keıin polıtsııa balanyń ákesin qamap, denesin qaıda kómgenin aınyqtady. Buǵan deıingi sot otyrysynda sottalýshy Artýr Ahýnov bári de jazataıym oqıǵa ekenin, balalary tóbeleskende Danıldyń qulap, basyn jaralaǵanyn alǵa tartty. Prokýror jaryssózde ómir boıy bas bostandyǵynan aıyrýdy surady.
Búgin tústen keıin sot úkimi shyǵady.