Balasyna jaqsy tárbıe bergen er men áıeldiń otbasyna bereke ornaıdy - Bas múftı

<p>TALDYQORǴAN. KAZINFORM &mdash; Búgin bas múftı Naýryzbaı qajy Taǵanuly Taldyqorǵan qalasynda ótken &laquo;Islam jáne otbasy qundylyǵy&raquo; respýblıkalyq konferentsııasynda osylaı dedi.</p>

«Ardaqty Paıǵambarymyz (oǵan Allanyń salaýaty men sálemi bolsyn) er-azamattarǵa qarata: «Senderdiń eń jaqsylaryń – áıelimen jaqsy qarym-qatynasta bolǵandaryń» degen. Al, «Qandaı áıel eń jaqsy?» dep suraǵanda, Paıǵambarymyz: «Kúıeýi oǵan qaraǵanda, ony qýantatyn, ol oǵan bir nárse buıyrǵanda, moıynsunatyn, ózine jáne óziniń mal-múlkine qatysty bir nárse unamaı tursa da kúıeýine qarsy kelmeıtin áıel» dep jaýap bergen.

Ózi jaqsy bolǵan jáne balasyna jaqsy tárbıe bergen er men áıeldiń otbasyna bereke ornaıdy. Munyń eń alǵashqy sharty – erli-zaıyptylardyń birin-biri syılaýy, ózara keshirimdi, meıirimdi bolýynan ári syılastyqtan bastalady» dedi QMDB Tóraǵasy.

Aıta keteıik, konferentsııa qatysqan zııaly qaýym ókilderi otbasy qundylyǵyna qatysty oı-pikirlerin ortaǵa salyp, usynystaryn jetkizdi.