Balanyń tilin qalaı damytýǵa bolady?

ASTANA. QazAqparat - Amerıkalyq ǵalymdar klassıkalyq mýzyka balanyń tilin damytýǵa kómektesetinin málimdedi. Mamandar bundaı málimdemeni 9 aılyq 39 balamen júrgizgen zertteýinen soń jarııalady, dep jazady massaget.kz.

Búldirshinder eki topqa bólindi: 20-sy tájirıbelik topqa, 19-y baqylaý tobyna kirdi. Tájirıbelik top 15 mınýttan mýzyka páninen 12 sabaq aldy. Al kelesi top tanymdyq sabaqtarǵa qatysty, biraq eshqandaı mýzyka tyńdamady. Tájirıbelik toptaǵy balalardyń mı belsendiligi baqylaý tobyndaǵylarǵa qaraǵanda anaǵurlym joǵary bolyp shyqty.

Tájirıbelik toptyń búldirshinderi mýzyka yrǵaǵynyń rıtmine jáne sózine, ondaǵy ózgeristerge asa mán berdi. Sondyqtan da mamandar mýzykanyń tildi damytýǵa septigi tıedi degen qorytyndy jasady.