Balany Naýryzbaı men Naýryzgúl dep ataýdan OQO men Mańǵystaý oblysy kósh bastap tur
Máselen, QR Statıstıka agenttigi baspasóz qyzmetiniń aqparatyna qaraǵanda, ótken jyly naýryz meıramy kúni dúnıe esigin ashqan sábılerdiń 9-yna Naýryzbek, 7-eýine Naýryz, 6-aýyna Naýryzbaı esimderi berilse, Naýryzǵalı, Naýryzgúl, Naýryzhan esimderi bir retten qoıylǵan.
Sondaı-aq ótken jyly Naýryz meıramyna qatysty esim arqalaǵan sábıler elimizdiń 9 óńirinde tirkelgen. Bul rette meıramǵa oraı Naýryz esimi jańa týǵan sábılerge Ońtústik Qazaqstan men Mańǵystaý oblystarynda 5 retten, Almaty, Jambyl, Qyzylorda oblystarynda 3 retten, Aqtóbe men Atyraýda 2-den qoıylǵan. Al Shyǵys Qazaqstan men Batys Qazaqstan oblysynda meıramǵa oraı at qoıylǵan 2 bala bar.
Sábıge at qoıý - náreste dúnıege kelgende oǵan beriletin esimdi tańdaý dástúri, ata-anasynyń jaýapty mindetteriniń biri. Sábı týylmaı jatyp ta oǵan qoıylatyn esimdi tańdaýǵa bolady. Qazaq halqy Islam dinin ustanǵandyqtan musylmansha at qoıý (azan shaqyryp at qoıý) dástúri keńinen taraǵan. Qazaq halqynyń salty boıynsha balaǵa úsh kúnniń ishinde at qoıylýy kerek.