Balamdy qandala shaǵyp tastady: Oralda ata-ana lagerdiń ústinen shaǵymdandy
Balanyń anasy Instagram áleýmettik jelisinde málim etkendeı, uly № 42 «Aq nıet» gımnazııasynyń 7-synybynda oqıdy.
Onyń jazýyna qaraǵanda, bıyl oqýshylardy «Atameken» balalar lagerine 5 kúnge tegin demalýǵa jibergen.
Balalar 15-19 shildede lagerde bolǵan. Uly 19 shildede lagerden kelgende, ústi-basyn qandala shaǵyp tastaǵanyn kórgen. Mundaı jaǵdaı onymen birge demalǵan basqa da balalarda bolǵan.
BQO bilim basqarmasynyń baspasóz qyzmetinen túsken málimetke qaraǵanda, 15-19 shilde aralyǵynda «Atameken» ortalyǵynda № 42 «Aq nıet» gımnazııasynyń oqýshylary úshin eki kúndik jaıaý joryq uıymdastyrylǵan.
«Atameken» ortalyǵy basshylyǵynyń túsindirýinshe, jazǵy demalys, jaıaý týrıstik joryqtar jáne praktıkalyq sabaqtar kezinde jándikterdiń shaǵýyna baılanysty oqýshylardan, mektep basshylary men lager qyzmetkerlerinen shaǵym túspegen. Ortalyq medıtsınalyq qyzmetkermen qamtamasyz etilgen. Demalys bólmeleri sanıtarlyq talaptarǵa sáıkes kún saıyn jınalady. Aýysymdar arasynda 2 sanıtarlyq demalys kúni belgilengen. Qazirgi tańda týrıstik daǵdylarǵa oqytý boıynsha praktıkalyq sabaqtar toqtatyldy. Atalǵan korpýsty dezınfektsııalyq óńdeý jumystary júrgizildi. Oqıǵa praktıkalyq sabaqqa qatysqan balaǵa baılanysty bolǵandyqtan, osy joryqtar toqtatyldy. Sanıtarııalyq-epıdemıologııalyq baqylaý basqarmasy praktıkalyq sabaqtar ótetin ǵımaratta jumys isteýge ruqsat berse, osy baǵyttaǵy jumystar jalǵasady», dep habarlady vedomstvodan.
BQO sanıtarııalyq-epıdemıologııalyq baqylaý departamentiniń baspasóz qyzmeti osy másele boıynsha qalalyq basqarmaǵa 22 shilde kúni shaǵym túskenin jetkizdi.
Qazir qaralý ústinde, sonyń qorytyndysyna sáıkes qosymsha málimet beriledi.
Eske sala keteıik, budan buryn Oralda lagerde balanyń soqqyǵa jyǵylýyna baılanysty tálimger qyzmetinen bosatylǵanyn jazǵan bolatynbyz.