Balamaly derekter negizinde ınflıatsııaǵa monıtorıng júrgiziledi - Qýantyrov
«Baǵa belgileýdi baqylaý, monopolııaǵa qarsy jáne syrtqy saýdany retteý» – is-sharalar kesheniniń tórtinshi baǵyty. Atalǵan baǵyt aıasynda áleýmettik mańyzdy azyq-túlik taýarlarynyń, janar-jaǵar maı, kómir men dári-dármekter baǵasyn turaqtandyrý is-sharalary kózdelgen. Bul rette áleýmettik mańyzdy azyq-túlik taýarlarynyń 15 paıyz saýda ústemesiniń saqtalýyn baqylaýdy júzege asyrý jónindegi zańnamalyq fýnktsııany tolyqqandy iske asyrýdy qamtamasyz etý jumysy jalǵastyrylady. Sonymen qatar áleýmettik mańyzdy azyq-túlik taýarlary baǵalaryna turaqty monıtorıng júrgiziledi. Qajet bolǵan jaǵdaıda jedel den qoıý is-sharalary qabyldanatyn bolady. Tabıǵı monopolııalar sýbektileri júrgizetin satyp alý rásiminiń ashyqtyǵyn jáne olardyń jaýapkershiligin arttyrýǵa baǵyttalǵan zańnamalyq túzetýler qabyldanady», - dedi Álibek Qýantyrov.
Onyń atap ótýinshe, «Júıeli is-sharalar» aıasynda balamaly derekter negizinde ınflıatsııaǵa monıtorıng júrgizý josparlanýda. Respondentterdi dástúrli qaǵaz júzinde zerttep qaraýdan tsıfrlyq sheshimderdi paıdalana otyryp, kompıýterlendirilgen derekter jınaý júıesine kóshý júzege asyrylady. Halyqtyń áleýmettik osal toptaryn qoldaý halyqtyń ártúrli sanattary úshin kórsetiletin kommýnaldyq qyzmetter shyǵyndaryn saralanǵan óteý tetigin iske asyrý arqyly qamtamasyz etiletin bolady. Ónerkásipti damytý qory arqyly óńdeý ónerkásibindegi jobalar úshin qoljetimdi qarjylandyrýdy usyný jónindegi jumys jalǵastyrylady. Biryńǵaı aqparattyq júıe – «Ulttyq taýar ótkizý júıesin» qurý jónindegi jumys jalǵasady.
«Orta jáne joǵary deńgeıde óńdep-jasalatyn ónim shyǵarý maqsatynda ishki naryq qajettiligi úshin el aýmaǵynda jeńildikpen óndirilip shyǵarylatyn negizgi materıaldardy jetkizý qamtamasyz etiledi. Sondaı-aq, joǵary deńgeıde óńdep jasalatyn taýarlarǵa bas nazar aýdara otyryp, eksporttaýshylardy qoldaý sharalary qaıta qaralatyn bolady», - dedi mınıstr.