Balalaryna 5 mln teńge alıment tólemegen áke bir jylǵa sottaldy

ALMATY. QazAqparat - Almatyda eki balasyna bes jyl alıment tólemeı júrgen 32 jastaǵy er adam bas bostandyǵynan aıyryldy. Bul týraly qalalyq Polıtsııa departamenti basshysynyń orynbasary Rýstam Ábdrahmanov málim etti, dep habarlaıdy QazAqparat tilshisi.

Onyń aıtýynsha, kámeletke tolmaǵandardyń isteri jónindegi mamandandyrylǵan qalalyq soty alıment tóleýden jaltaryp júrgen ákeni 1 jylǵa bas bostandyǵynan aıyrdy.

Sotqa deıingi tergep-tekserýdi júrgizý Almaty qalasy boıynsha anyqtaý departamentiniń anyqtaý basqarmasynyń tergeýshilerine júktelgen edi.

«1990 jyly týǵan Ch. esimdi er adam, bes jyl boıy eki kishkentaı balasyna alıment tóleýden jaltaryp kelgen. Ózin qorǵaý úshin ol resmı kirisi joq ekenin alǵa tartty. Sotqa deıingi tergep-tekserýmen anyqtalǵandaı, kúdiktiniń resmı kirisi bolǵan», - deıdi Rýstam Ábdrahmanov.

Búginge deıin er adamnyń balalary aldyndaǵy qaryzy 5,1 mln teńgeni quraıdy.

Sot sheshimimen boryshker sot zalynda qamaýǵa alyndy.