Balalarymnyń aman ekenin kórgende qatty qýandym - Arystaǵy áskerı qyzmetshi

ARYS. QazAqparat - Arys qalasynda jarylys bolǵan kúni perzentterin tańerteń esh qamsyz balabaqshaǵa aparyp tastaǵan áskerı qyzmetshi A. Óteshova dúrbeleń týǵan kezde eki qyz, bir ulyn tappaı qalǵan, dep habarlaıdy QazAqparat tilshisi.

Arys qalasynyń turǵyny perzentterin jarylys bolǵannan keıin izdep júrip áreń tapqan. Keıinnen surap bilse dúrbeleń bastalǵanda búldirshinder qaýipsiz jerge kóshirilip, Shardara qalasyndaǵy «Balaýsa» balabaqshasyna jetkizilgeni anyqtalǵan.

«Aıtýǵa aýyz barmaıtyn sumdyq jaǵdaıdy bastan keshtik. Ul-qyzdarym Damırhan, Alına men Sabınany Shardara qalasyndaǵy «Balaýsa» balabaqshasynan alyp, olarmen qaýyshtym. Balalaryma óz balasyndaı qamqorlyq tanytqan shardaralyq azamattarǵa analyq alǵysymdy aıtamyn. Analar balasyn joǵaltpasa eken. Jan-júregim ezilip ketti. Balalarymnyń amandyǵyn kórgendegi qýanyshymdy aıtyp jetkize almaımyn»,- deıdi úsh balanyń anasy A. Óteshova.