Balalarym sabaqqa mektep formasymen barady – Ashat Aımaǵambetov

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov oýshylardyń sabaqqa mektep formasymen barǵanyn qoldaıtyndyǵyn aıtty, dep habarlaıdy QazAqparat tilshisi.

«Mektep formasyn kerek emes dep alyp tastady, degen aqparat shyǵyp jatyr. Bul shyndyqqa sáıkes kelmeıdi. Negizinde mindetti mekteptiń formasy jáne bizdiń tıisti buıryǵymyz kúshin joıǵan joq ári ol qalady. Biz oqýshylardyń mektep formasymen sabaqqa kelgenin quptaımyz. Biraq, pandemııa saldaryna baılanysty mektep formasymen kelýge múmkindik bolmasa, ıaǵnı satyp ala almasa, basqa da dáleldi sebepteri bolsa, onda olarǵa klassıkalyq úlgidegi kıimmen sabaqqa kelýge ruqsat berildi. Sondyqtan osy sheshimdi durys túsiný kerek», - dedi Ashat Aımaǵambetov Tengrinews.kz aqparattyq portalyna bergen suhbatynda.

Sonymen qatar mınıstr jańa oqý jylynda balalarynyń sabaqqa mektep formasymen baratyndyǵyn basa aıtty.

«Biz sheshim qabyldadyq jáne balalar da munymen kelisip otyr. Sabaqqa mektep formasymen baramyz. Menińshe, bul qolaıly, tipti bir jaǵynan únemdi de. Qaı jaǵynan alyp qarasaq da oń tusy kóp. Sondyqtan ózim tolyqtaı da mektep formasyn qoldaımyn. Árıne, bul jerde óte kóp pikirtalas bolýy da múmkin», - dedi ol.