Balalaryna depozıt ashatyn ata-analardyń qatary artyp keledi

<p>Elimizde 300 myńǵa jýyq balaǵa bankterde depozıtter ashylǵan. Bul týraly &laquo;Otbasy banki&raquo; AQ basqarma tóraǵasy Lázzat Ibragımova aıtty, dep habarlaıdy Kazinform.</p>

«Osy baspasóz máslıhatynda daıyndalǵan kezde 18 jasqa tolmaǵan balalarǵa ashylǵan barlyq depozıtti qarap shyǵýdy ádeıi ótingen edim. Óte jaqsy statıstıkalyq derekter bar. Bizde mundaı 299 579 depozıt bar. Qamqor ata-analar tipti 1 jasqa tolmaǵan balalaryna da 12 721 depozıt ashqan. Al 5 jasqa deıingi balalarda 50 140 depozıt bar. Qandaı óńirler únemshil ekenin de qaradym. Shymkenttegi fılalymyzda 1 jasqa tolmaǵan balalarǵa – 679, Almatyda – 642, al elordadaǵy ortalyq fılıalymyzda 531 depozıt ashylǵan eken», - dedi ol Ortalyq kommýnıkatsııalar qyzmetindegi baspasóz máslıhatynda.

Sonymen qatar ol únemshil ata-analardyń eń ozyq oıly ekendigin aıtady.

«Óıtkeni, bizde vıdeobankıng syndy qural bar. Úıden shyqpaı-aq onyń kómegimen depozıt asha alasyz. Osyndaı jas salymshy ata-analar Qazaqstannyń tsıfrlandyrýdaǵy jetistikterin qoldanyp, 7 232 depozıt ashty. Qazirgi ýaqytta depozıt ashýda vıdeobankıng arqyly tsıfrlyq formatqa den qoıyp jatyr», - dedi Lázzat Ibragımova.