Balalarǵa qosymsha bilim berýdiń biryńǵaı veb-portalyn ázirleý qajet - Eraly Tojanov
«Bilim jáne ǵylym mınıstrligimen birge balalarǵa qosymsha bilim berýdiń biryńǵaı veb-portalyn ázirleý máselesin de pysyqtaý qajet dep oılaımyn. Biryńǵaı veb-portal sektsııalar men úıirmelerge baratyn balalardyń statıstıkasyn júrgizýge, memlekettik qarajattyń jumsalýyn qadaǵalaýǵa jáne ata-analar úshin tıisti sektsııalarǵa ótinim berýge óte yńǵaıly dep oılaımyn. Bul jerde de másele az emes. Buǵan keı jerlerde azamattardyń qarsy shyǵyp jatqanyn da bilemin. Nege deseńizder, ol óte yńǵaıly. Eshkim balalar qaı jerde shuǵyldanyp jatqanyna, bapkerdiń biliktiligi kele me, kelmeı me jaýap bermeıdi. Bir sózden aıtqanda, ol jerdegi azamattardyń naqty jaýapkershiligin belgileý kerek. Berilgen qarjynyń naqty, nátıjeli uıymdastyrylýynyń ózi tikeleı aldymyzda turǵan mindet», - dedi vıtse-premer Mádenıet jáne sport mınıstrliginiń alqa otyrysynda.
Osy rette Eraly Toǵjanov Mádenıet jáne sport mınıstrligine memlekettik sporttyq tapsyrysty Bilim jáne ǵylym mınıstrliginiń qosymsha bilim berý júıesimen yqpaldastyrýdy tapsyrdy.
«Ońaı jumys emes. Biraq, osyny uıymdastyrýymyz kerek. Árbir bala qaıda baratynyn bilýi kerek. Bala úıirmege búgin barǵanymen bir aıdan keıin aınyp, basqa jerge baramyn deýi múmkin. Jarty jyldan keıin oıy taǵy ózgerýi múmkin. Negizgi maqsat bólinetin aqshanyń balanyń sońyna júrýi tıis. Onyń esebi bolýy qajet»,- dedi Úkimet basshysynyń orynbasary.