Balalarǵa «Keleshek» kapıtaly qalaı tólenedi – zań jobasy

<p>ASTANA. KAZINFORM &ndash; Búgin Májilistiń jalpy otyrysynda &laquo;Qazaqstan Respýblıkasynyń keıbir zańnamalyq aktilerine aqparat, qoǵamdyq damý, mádenıet jáne arhıv isi salalaryndaǵy normalardyń artyq (shamadan tys) zańnamalyq reglamenttelýin bolǵyzbaý máseleleri boıynsha ózgerister men tolyqtyrýlar engizý týraly&raquo; zań jobasy birinshi oqylymda maquldandy. &nbsp;</p>

Memleket basshysynyń tapsyrmasyn oryndaý maqsatynda zań jobasyna «Keleshek» biryńǵaı erikti jınaqtaý júıesiniń qyzmetin reglamentteıtin Ǵylym jáne joǵary bilim mınıstrliginiń túzetýleri engizildi.

Zań jobasyn talqylaý barysynda Májilis depýtaty Vera Kım «Keleshek» kapıtalyna qatysty birneshe máseleni kóterdi. 

«Zań jobasynda bıýdjet qarajaty esebinen bastapqy bilim berý kapıtalyn esepteý bala 5 jasqa tolǵan kezde júzege asyrylady dep kózdelgen. Buryn aıtylǵandaı, bastapqy bilim berý kapıtalynyń mólsheri 60 AEK bolady. Al 6, 7 jáne odan da joǵary jastaǵy balalarǵa bastapqy kapıtal eseptele me? Sol sııaqty azamattardyń qoldanystaǵy memlekettik bilim berý jınaqtaý júıesi sheńberindegi shoty bolsa, olar sol jınaqpen, syıaqysyn joǵaltpaı «Keleshek» jobasyna aýysyp, bastapqy bilim berý kapıtalyna qatysa ala ma?», - degen saýal joldady. 

Halyq qalaýlysynyń saýalyna Ǵylym jáne joǵary bilim vıtse-mınıstri Talǵat Eshenqulov jaýap berdi. 

«Keleshek» kapıtalynyń memlekettik jınaqtaý júıesinen úsh aıyrmashylyǵy bar. Birinshi, 5 jasqa tolǵan salymshyǵa memleketten 60 AEK kóleminde, al jetim balalar men ata-anasynyń qamqorlyǵynsyz qalǵan balalar úshin 120 AEK alǵashqy jarna aýdarylady. Ekinshiden, «Keleshek» júıesinde syıaqy esepteý kezinde bankter úshin eń tómengi mólsher belgilenedi. Ol Ulttyq bank belgilegen bazalyq mólsherlemeden kem bolmaýy tıis. Mysaly, Ulttyq banktiń bazalyq mólsherlemesi 15% bolsa, bankterdiń mólsherlemesi 12-13%-dan tómen bolmaýy kerek. Úshinshi aıyrmashylyq, jobaǵa kepildikti qamtamasyz etetin saqtandyrý kompanııalary qatysady. Balanyń ata-anasy eńbekke qabilettiliginen aırylǵan jaǵdaıda nemese asyraýshysynan aırylǵan jaǵdaıda saqtandyrý kompanııalary bala 18 jasqa tolǵanǵa deıin ata-anasynyń atynan kapıtal aýdarýdy júrgizýdi jalǵastyrady», - deıdi mınıstrdiń orynbasary.