Balalarǵa qatysty qylmystyq quqyq buzý áreketteri artyp barady

ASTANA. QazAqparat – Elimizdiń 3 óńirinde balalarǵa qatysty tirkelgen qylmystyq quqyq buzýshylyq sany artyp otyr. Mundaı derek «Ashyq» NQA portalynda jarııalanǵan 2023-2025 jyldarǵa arnalǵan «Bala qorǵaý» keshendi josparynda keltirilgen, dep habarlaıdy QazAqparat tilshisi.

«Balalarǵa qatysty zorlyq-zombylyq, agressııa jáne qatygezdik búginde bala ómiriniń kóptegen salasynda keńinen kórinis tapqan. Zorlyq-zombylyqtyń saldary zańsyz áreketterdi jasaýǵa jáne sońǵy jyldary paıyzy ósip kele jatqan qylmystarǵa ákeledi. Jasóspirimder ortasyndaǵy krımınogendik jaǵdaı kúrdelene tústi (2021 jyly – 1 529, 2022 jyly. – 1 735), kámeletke tolmaǵandar jasaǵan qylmystar sanynyń aıtarlyqtaı ósýine (12 paıyz) jol berildi», - delingen joba mátinde.

Qujatta sandyq tómendeýine qaramastan, balalarǵa qatysty qylmystyq quqyq buzýshylyqtar sanynyń kórsetkishi de turaqty joǵary bolyp qalyp otyrǵany aıtylady.

«Óńirlerdiń bólinisinde balalarǵa qatysty qylmystyq quqyq buzýshylyqtar Almaty qalasynda 58,9 (90-dan 143-ke deıin), Batys Qazaqstan oblysynda 39,4 (109-dan 152-ge deıin), Pavlodar oblysynda 32,8 (61-den 81-ge deıin), Mańǵystaý oblysynda 21,7 (69-dan 84-ke deıin), Aqtóbe oblysynda 14,3 (84-ten 96-ǵa deıin), Almaty oblysynda 1,1 paıyzǵa (183-ten 185-ke deıin) ósti. Balalarǵa qatysty tirkelgen qylmystyq quqyq buzýshylyqtardyń eń kóp sany Túrkistan (213), Almaty (185) jáne Qaraǵandy oblystarynda (165) baıqalady», - delingen qujatta.