Balalarǵa qarsy 170 myń qylmys jasalǵan- ıÝNISEF
09:43, 31 Jeltoqsan 2019
NUR-SULTAN.QazAqparat – 2010 jyldan bastap on jyl ishinde balalarǵa qarsy 170 myń qylmys jasalǵan. Bul týraly BUU saıtyna silteme jasap QazAqparat habarlaıdy.
Álemde bolyp jatqan soǵystyń negizgi qurbandary – balalar. Bul týraly ıÝNISEF-tiń jyl men onjyldyqtyń qorytyndy esebinde jarııalandy.
2010 jyldan bastap álemde balalarǵa qarsy 170 myń qylmys jasalǵan, ortasha eseppen kúnine 45 qylmys. Buǵan deıingi on jylmen salystyrǵanda úsh ese kóp. Sondaı-aq, 2018 jyly 12 myń kámelet jasyna tolmaǵan bala jaraqat alyp, mert bolǵan. Bul kórsetkish 2019 jyly da jaqsara qoımaǵan, tek alǵashqy alty aıdyń ózinde balalarǵa qatysty 10 myń quqyqbuzýshylyq tirkelgen.
«Álemde bolatyn qaqtyǵysta balalardy qorǵaý umyt bolady», - dep málimdedi ıÝNISEF-tyń atqarýshy dırektory Genrıette For.
Onyń sózine qaraǵanda, balalarǵa qatysty qylmystyń kópshiligi aıtylmaı qalady.