Balalarǵa arnalǵan jazǵy saýyqtyrý mekemeleriniń jumysyn ýaqtyly qaıta bastaý qajet – depýtat
Onyń aıtýynsha, jergilikti bilim berý jáne densaýlyq saqtaý organdaryna jiberiletin suraqtar, kóbinese, jaýapsyz qalady, al balalardyń jazǵy demalysyna deıin bir aptadan aspaıtyn ýaqyt qalyp otyr.
«2020 jyly elimizde saýyqtyrý naýqany koronavırýs pandemııasynyń saldarynan birneshe ret keıinge qaldyryldy. Sonyń nátıjesinde lagerler sol qalpynda ashylmaı qaldy.
Ekonomıkanyń osy sektoryndaǵy shaǵyn jáne orta bıznes ózderine bólingen qysqa merzimde balalardyń qala syrtyndaǵy demalysy men bos ýaqytyn uıymdastyrý úshin qolaıly jaǵdaılardyń týyndaýyn ekinshi jyl qatarynan shydamdylyqpen kútýde.
Ashylý kúniniń belgisiz bolýy osy saladaǵy kásiporyndardyń negizsiz shyǵyndaryna alyp keledi. Balalarǵa arnalǵan lagerler ashylýyn kútken kezde ınfraqurylymnyń qajetti profılaktıkalyq jaı-kúıin únemi ustap turýǵa, ýaqytsha personalǵa jalaqy tóleýge, kommýnaldyq shyǵyndardy kóterýge májbúr bolady», delingen saýalda.
Maqsat Ramanqulovtyń aıtýynsha, balalarǵa arnalǵan lagerlerdiń memleket tarapynan dotatsııalary joq ekenin de eskerý qajet, maýsym – qyrkúıek aralyǵyndaǵy jazǵy kezeńde úsh aı jumys isteý úshin ǵana olar keshenderin jyl boıy rejımde kútip-ustaýdy ózderi qamtamasyz etedi.
«Bul jerde osy bıznestiń menshik ıeleri, basshylar, tárbıeshiler jáne qyzmeti ynta-jigermen shektesetin ózge de personal tulǵasynda jazǵy bos ýaqyt pen demalysty uıymdastyrýshylarymyzǵa alǵys aıtyp, balalarǵa degen erekshe súıispenshiligin atap ótý kerek.
Balalarǵa arnalǵan jazǵy mekemelerdi ýaqtyly ashý maqsatynda bos ýaqytty uıymdastyrý mekemeleriniń jumyskerlerin tolyq vaktsınatsııalaýǵa deıin pandemııa kezeńinde qyzmet boıynsha biryńǵaı ólshemsharttar men talaptardy barynsha qysqa merzimde retteý qajet, sondaı-aq bıznestiń osy túrin memlekettik qoldaý da artyq bolmas edi», - deıdi Maqsat Ramanqulov.
Depýtat Reseıdi mysal retinde aıtyp ótti, ol elde bıyl balalarǵa arnalǵan 545 lager ashylady, úkimet deńgeıinde balalar týrızmin qoldaý jónindegi baǵdarlamalar ázirlengen.
«Máselen, balalarǵa arnalǵan týrıstik keshbek baǵdarlamasy iske qosyldy, onda ata-analar balalarǵa arnalǵan lagerlerge joldamalardy búkil el boıynsha satyp ala alyp, bes kún ishinde joldama qunynyń 50% aqshalaı qarajatyn avtomatty túrde tólem kartasyna qaıtara alady, bul, saıyp kelgende, joldamalarǵa degen suranysty arttyryp, demalys oryndaryn balalar kontıngentimen toltyrady, al bizdiń bul segmenttegi salamyz qaraýsyz qaldy dese bolady.
«Aq jol» QDP depýtattyq fraktsııasy atalǵan problemaǵa nazar aýdarý qajet dep esepteıdi jáne balalarǵa arnalǵan jazǵy saýyqtyrý mekemeleriniń jumysyn ýaqtyly qaıta bastaý múmkindigin qarap, sondaı-aq joǵaryda atalǵan bıznes sanattarynyń barlyq sýbektilerine biryńǵaı ólshemsharttar men birdeı jumys isteý talaptaryn ázirleýdi suraıdy», delingen saýalda.