Balalarǵa arnalǵan ulttyq qolóner ortalyqtary ashylady
«Memleket basshysy balalar energııasyn durys arnaǵa baǵyttaýdyń mańyzdylyǵyn atap ótti. Bul úshin balalar men jastardyń shyǵarmashylyq áleýeti maqsatynda óńirlerde ulttyq qolóner ortalyqtaryn ashý josparlanyp otyr. Onda jas urpaq ókilderi shyǵarmashylyq jáne qolóner negizderin meńgeretin bolady. Búgingi tańda osyndaı keshenderdiń biri Jambyl oblysyndaǵy «Shahrıstan» ortalyǵy sanalady. Budan basqa, Túrkistan qalasyndaǵy Halyqaralyq týrızm jáne qonaqjaılylyq ýnıversıteti kesheniniń bazasynda qolóner ortalyǵyn ashý josparlanyp otyr. Osy ortalyqtardyń jumys isteý tájirıbesin zerdelegennen keıin el óńirlerinde qolóner ortalyǵy jelisin keńeıtý boıynsha odan ári jumys júrgiziledi»,- dedi mınıstr Úkimet úıinde ótken baspasóz máslıhatynda.
Onyń atap ótýinshe, balalardy shyǵarmashylyqqa jappaı tartýdyń osyndaı qaǵıdaty boıynsha respýblıkalyq jáne jergilikti deńgeıdegi mádenıet uıymdarynda shyǵarmashylyq úıirme qurýǵa bastamashylyq jasalady. Bul balalardy damytý maqsatynda bos ýaqytyn tıimdi paıdalanýdy qamtamasyz etip, talantty balany erte anyqtaýǵa yqpal etedi. Sonymen qatar, mádenıet jáne óner uıymdarynda belsendi eresektermen ózara is-qımyl jasaý úshin qajetti jaǵdaı iske asyrylady.
«Osy maqsattar úshin eń aldymen mınıstrlik mádenıet uıymdaryna osyndaı quqyq berý jónindegi qoldanystaǵy zańnamaǵa túzetýler engizýge bastamashylyq jasaý josparlanýda», - dedi N.Dáýeshov.