Balalarǵa arnalǵan tuńǵysh 3D kitaptar jaryq kóredi

ASTANA. QazAqparat - Qazan aıynda Qazaqstanda tuńǵysh otandyq balalarǵa arnalǵan 3D kitaptar jaryq kóredi. Bul týraly QR Ulttyq akademııalyq kitaphanasynyń dırektory mindetin ýaqytsha atqarýshy Nurjan Joldybalınov óz suhbatynda habarlady.

«Qazir biz aýdıokitaptarmen aınalysyp jatyrmyz. Ulttyq akademııalyq kitaphanada dybys jazý stýdııasy ashyldy. Kóptegen sheteldik aýdıokitaptardy qarap shyqtyq, olardyń keıbirin tyńdap, uıyqtap ketýge bolady. Biz 3D tehnolonııalardy engizý arqyly aýdıokitaptar jasaǵymyz keledi. ıAǵnı, at shabatyn tusty oqyǵanda bala attyń shabysyn estıdi, sol sııaqty kerek jerde jeldiń dybysyn qosamyz», - dep túsindirdi Nurjan Joldybalınov.

Onyń aıtýynsha, bul kitaptar balanyń tanymyn keńeıtedi. Dybysty estý arqyly balanyń qııalyna qanat bitirýge bolady.

«Qazir dybys jazý jumystaryn atqaryp jatyrmyz, jobany qazan aıynda tanystyrý josparlanǵan. Ázirge bes ertegi jazyldy. Bul - bizdiń alǵashqy jobamyz, keıinirek «Babalar sózi» syndy anaǵurlym aýqymdy kitaptardy qolǵa alamyz», - dedi Nurjan Joldybalınov.

Aıta keteıik Nurjan Joldybalınov - «Qazaqstannyń 100 jańa esimi» jobasynyń jeńimpazy.