Balalarǵa arnalǵan shyǵarmashylyq úıirmelerge memtapsyrys qalaı ornalastyrylady

NUR-SULTAN. Qaz-Aqparat – Ortalyq kommýnıkatsııalar qyzmetinde ótken brıfıngide QR Mádenıet jáne sport vıtse-mınıstri Nurǵısa Dáýeshov balalar men jasóspirimderge arnalǵan shyǵarmashylyq úıirmelerge tapsyrys qalaı ornalastyrylatyny týraly aıtty, dep habarlaıdy QazAqparat tilshisi.

«Balalar men jasóspirimderge arnalǵan shyǵarmashylyq úıirmelerge Memlekettik shyǵarmashylyq tapsyrysty ornalastyrý operatordyń, ıaǵnı jergilikti atqarýshy organnyń tıisti jylǵa arnalǵan bıýdjetinde kózdelgen qarajat kóleminde júzege asyrylady. Memlekettik tapsyrysty ornalastyrýǵa qatysý úshin ónim berýshi operatorǵa tsıfrlandyrý salasyndaǵy ýákiletti organnyń aqparattyq júıesi arqyly tıisti qujattardy qosa bere otyryp, bekitilgen Qaǵıdalardaǵy nysan boıynsha ótinish beredi», - deıdi Nurǵısa Dáýeshov.

Onyń aıtýynsha, ótinish berý operatordyń aqparattyq júıesinde ornalastyrylatyn jáne oǵan qatysatyn taraptardyń ózara qarym-qatynastaryn retteıtin operatordyń jarııa ofertasyna ónim berýshiniń aktseptimen súıemeldenedi.

«Operator aqparattyq júıe arqyly balanyń zańdy ókiline shyǵarmashylyq úıirmege qabyldaý úshin elektrondyq vaýcher bere otyryp, bos oryndardy balalar arasynda olardyń kezektiligine sáıkes bóledi. Shyǵarmashylyq úıirmege qabyldanýǵa vaýcher alý úshin balanyń zańdy ókili kezekke turýǵa elektrondyq ótinish beredi. Operator shyǵarmashylyq úıirmege qabyldaý kezegin elektrondy túrde aqparattyq júıede júrgizedi. Kezek ónim berýshiniń árbir shyǵarmashylyq úıirmesine jeke qalyptastyrylady jáne balalardyń zańdy ókilderi bergen ótinishterden turady. Kezektegi jaıǵasym balalardyń kezekten shyǵýy sebebinen kemý jaǵyna jáne ónim berýshi vaýcherlerin joıǵan balalardyń kezekke oralýy sebebinen ósý jaǵyna qaraı jyljıdy. Sonymen birge, kezekte oryn aýystyrýǵa jol berilmeıdi. Oryndardy bólý jáne vaýcherlerdi berý kún saıyn aqparattyq júıemen avtomatty túrde júzege asyrylady», - deıdi ol.