Balalardy saýyqtyrý lagerleri sanıtarııalyq qorytyndy alýǵa mindetti - Ajar Ǵınııat
12:32, 01 Maýsym 2022
NUR-SULTAN. QazAqparat – Balalardy saýyqtyrý lagerleri sáıkestik týraly sanıtarııalyq-epıdemıologııalyq qorytyndy alýǵa mindetti. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.
«Jazǵy demalys kezińde Sanıtarııalyq-epıdemıologııalyq baqylaý komıteti balalardyń saýyqtyrý lagerlerin qadaǵalaýdy júzege asyrady. Búgingi tańda qala syrtyndaǵy 234 saýyqtyrý lagerin ashý josparlanýda. Olar sáıkestik týraly sanıtarııalyq-epıdemıologııalyq qorytyndy alýǵa mindetti. Qazir 30 lager ǵana qorytyndy aldy», - dedi mınıstr.
Ajar Ǵınııattyń aıtýynsha, qorytyndy alǵan saýyqtyrý uıymdarynyń tizbesi ata-analarǵa málimet úshin apta saıyn Sanıtarııalyq-epıdemıologııalyq baqylaý komıtetiniń saıtynda ornalastyrylyp otyrady.