Balalardy damytý ortalyqtarynyń qyzmeti bir jylda 6% qymbattaǵan

NUR-SULTAN. QazAqparat – Balalardy damytý baǵytyndaqyzmet kórsetetin ortalyqtardyń baǵasy bir jylda 6% qymbattaǵan. QazAqparat bul týraly Finprom.kz saıtyna silteme jasap habarlaıdy.

«Jyldyń birinshi toqsanynda mektepke deıingi tárbıe men bilim berý salasynda 150,7 mlrd teńgeniń qyzmeti kórsetildi. Bir jyldaǵy ósim – 31,5%. Onyń ishinde shaǵyn kásiporyndardyń úlesi – 140,3 mlrd teńge, ortasha kásiporyndardyń úlesi – 9,3 mlrd teńge, iri kásiporyndardyń úlesi – 1,1 mlrd teńge», - dep jazady Finprom.kz.

Bul somanyń 87,9 mlrd teńgesin melekettik nysandaǵy kásiporyndar ıgerse, 62,4 mlrd teńgesin jeke menshik uıymdar, 382,6 mln teńgesin sheteldik uıymdar ıgergen.

«Byltyr birinshi toqsanda bul salada 114,6 mlrd teńge ıgerilge bolatyn. Óńirler arasynda bárinen de Túrkistan oblysynda kóp qyzmet kórsetilgen –21,6 mlrd teńge. Sondaı-aq Almaty oblysy (15 mlrd teńge) men Almaty qalasy (13,7 mlrd teńge» alǵashqy úshtikke kirdi.

Qyzmet quny Shyǵys Qazaqstan oblysynda barynsha qymbattaǵan – bir jylda 20,8%. Al Atyraý (14,6%) jáne Qyzylorda oblystarynda (14%) qymbattaý erekshe baıqaldy», - dep jazylǵan saraptamada.