Balalardy Ashyq júıesine engizý máselesi áli qarastyrylǵan joq – mınıstrlik

NUR-SULTAN. QazAqparat – Balalardy Ashyq júıesine engizý máselesi áli qarastyrylǵan joq. Bul týraly QR Densaýlyq saqtaý vıtse-mınıstri Ajar Ǵınııat aıtty, dep habarlaıdy QazAqparat tilshisi.

«Vaktsına alǵan balalardyń pasport bolady. Biraq, sol balalardy Ashyq júıesine engizý máselesi áli qarastyrylǵan joq. Ol vedomstvoaralyq komıssııa otyrysynda qaralady. Qazir eń aldymen balalardyń arasynda vaktsınatsııa júrgizip, osy aýrýdan qorǵaý máselesimen aınalysyp jatyrmyz», - dedi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda BAQ ókilderiniń saýalyna oraı.

Onyń atap ótýinshe, búginde balalarǵa vaktsına alý qajettiligi týraly túsindirý jumystary jan-jaqty júrgizilip jatyr.

«Túsindirý jumystary muǵalimderdiń, medıtsına qyzmetkerleriniń tarapynan júrgizilip jatyr. Birden aıtý kerek, vaktsına balanyń ata-anasynyń kelisimimen ǵana salynady», - dedi Ajar Ǵınııat.